DSN TECHNOLOGY | Na: Danieli Emannueli
Sasa hivi kuna AI kibao, kila kona unageuka – AI hii, AI ile… lakini ni zipi haswaa zinafaa kwa mwanafunzi wa kawaida?
Sio kila AI inakufaa wewe bwana! Zingine zimejaa kama kompyuta ya NASA – ziko kwa ajili ya Wamarekani tu. Sasa leo hapa DSN TECHNOLOGY nimekuwekea zile AI 3 ambazo ni rahisi, zinasaidia kweli, na haziitaji kuwa na kichwa cha Einstein ili kuzitumia. Twende kazi.
1. Grammarly – Mwalimu wa Kisasa wa Insha
Hii AI ni kama mwalimu wako wa English lakini hana fimbo.
Grammarly ni msaidizi wa kisasa kwa wanafunzi. Unaandika paragraph zako, insha zako, hata barua za mapenzi (kama hujasoma sana), halafu inakuchunguzia kila kitu – makosa ya spelling, grammar, hata inakupa ushauri.
Yaani ni kama umekalia somo la English kwenye sofa ukiwa na juice mkononi.
Bonus ya Grammarly:
- Inakufundisha kiingereza bila kukuambia "umefeli"
- Unapiga copy-paste assignment ya Wikipedia, unafanya editing fasta
- Kazi zako zinakuwa na usafi kama uniform ya Jumamosi
Ni bure. Kuna version ya kulipia – lakini hata ile ya bure inatosha mwanafunzi wa Bongo!
2. Notion AI – Dogo mwenye akili ya ajabu
Umeamka saa 5 usiku, assignment ni kesho, kichwa hakielewi hata title – Notion AI ni kama rafiki mwenye akili kuliko wewe.
Hii siyo AI ya kawaida. Unaweza kuiambia, “Andika muhtasari wa biology kuhusu mfumo wa upumuaji,” na inakutengenezea vizuri. Inaweza kuandika, kupanga notes zako, hata kukusaidia kupanga timetable (ndiyo, timetable yako ya kusoma ambayo unaiweka ukishai-sahau wiki hiyo hiyo).
Unaitumiaje?
- Fungua akaunti Notion
- Bofya AI tools
- Anza kumuuliza vitu kwa lugha nyepesi tu (kiswahili au kingereza)
Ushauri:
Usiwe mvivu sasa! AI inasaidia, haibebi kichwa chako.
3. Khanmigo (kutoka Khan Academy) – Mshikaji anayefundisha bila kukukasirikia
Kama mwalimu wako huwa anakuchosha na maelezo magumu kama mahesabu ya NASA, Khanmigo ni suluhisho.
Hii AI iko kwenye Khan Academy – inakusaidia kuelewa masomo kwa lugha rahisi, yaani kama vile unamweleza shosti wako “unit gani ni tricky.” Inaelezea topics kwa utulivu, inakuvumilia hata kama unauliza swali la kipuuzi (kumbuka hakuna swali la kipuuzi, ni wewe tu hujui bado).
Faida ya Khanmigo:
- Inafundisha Math, Science, na subjects zingine bila pressure
- Inaulizwa swali 100, haichoki
- Haina "attitude" kama baadhi ya walimu
NB: Inahitaji account ya Khan Academy. Bure kabisa.
Ukweli wa Dunia: AI HAINI MBAYA – BALI INA MSAADA
Sasa hivi kuna watu wanalia mitandaoni eti "AI itatufuta kazi," wakati wewe uko darasani hujui hata jinsi ya kuitumia kukusaidia. Acha hizo bwana! Hizi AI ni kama kalamu mpya – hutakiwi kuogopa, unatakiwa kujifunza kuzitumia vizuri.
Kumbuka:
AI haitasoma kwa ajili yako, lakini itakuonyesha njia. Wewe bado ni dereva wa mafanikio yako – AI ni Google Map tu.
MWISHO WA LEO:
Ukiamua kuzitumia hizi AI tatu – Grammarly, Notion AI na Khanmigo – wewe siyo tu utafaulu, utakuwa mtu wa maana hata kwenye discussion groups. Wenzako wataona kama una akili ya ajabu, kumbe wewe ni mbunifu tu wa kutumia tools sahihi.
Uliza chochote kwenye comments kama hujaelewa – hapa DSN TECHNOLOGY tupo kusaidia, sio kubeza!
Na kama umejifunza kitu, shiriki post hii na mwanafunzi mwingine – AI isikusaidie peke yako kama mchoyo wa chipsi.
#DSNTECHNOLOGY #WanafunziNaAI #Grammarly #NotionAI #Khanmigo #DigitalElimu